السلام عليكم
يا هلا والله بكل اخواني وخواتي وحبايبي (:
طبعاً الكل عارف معاناتنا مع المرور والقيادة بدون لياسن والمواقف اللي دايماً تصير لنا
راح اقولكم سالفة صارت معاي قبل شهرين
في يوم من الايام قعدت الصبح كالعادة وتسبحت وصليت وتريقت مع الوالدة الله يخليها لي يارب
وشغلت سيارتي ورايح للدوام
وقبل لا اوصل للدوام بمسافة كيلو اتفجأ ولا تفتيش
طبعا ما اقولكم عن الرعب اللي حاتشني……. والخوف والله مو منهم لكن من اذيتهم
لاني ماعدي ليسن والسيارة ما فيها بيمة ):
يعني راح يرموني مو يخالفوني (:
والله وانا اقرأ المعوذات ودعي الله انه تمشي على خير
وما اشوف الا الشرطي من بعد 3 سيارات يأشر لي " وقف !!!! "
انا: الله يستر
الشرطي : الاجازة والدفتر
انا : والله بدون وما عندي ليسن
الشرطي : زين عطني الدفتر
انا : والله البيمة منتهية عندي
الشرطي: اصفط يمين
انا : ان شاء الله ………. وقاعد ادعي ربي انه ما تنسحب السيارة
وعد ما تنقعت بالشمس اكثر من نص ساعة
ناداني الشرطي وقالي
ليش مو مطلع ليسن ؟؟؟
قلت لة المرور معطيني موعد للتراي ووريته دفتر الاستمارة
قالي ما يصير تسوق بهذا الدفتر ……………… ما يدري اني اسوق من 7 سنين
قلت لة شسوي انا اشتغل وقاعد اصرف على اهلي يعني شسوي شلون اروح للدوام
قالي لا تطلع من بيتكم !!!! ………… عادي انا متعود على الكلمة هذه دايما اسمعها
جان يقولي ليش مو جدد بيمة السيارة
قلت له قلت له السيارة عليها مخالفات وما عندي فلو
